Американската тенисерка Коко Гоф денеска се пласираше во полуфиналето на „Ролан Гарос“ во Париз, откако по два сета со 7:5, 6:2 ја победи 64 тенисерка во светот, нејзината сонародничка Слоун Стивенс.

Гоф, 23 тенисерка во светот, победи по еден час и 33 минути и за првпат во кариерата се пласираше во полуфинале на Грен слем турнир.

Гоф шест пати ѝ го одзема сервисот на противничката, која направи три брејка.

Таа во полуфиналето ќе игра против 59 тенисерка во светот, Мартина Тревизан. Италијанката по три сета ја елиминираше Канаѓанката Лејла Мартинез со 6:2, 6:7 (3) и 6:3.

Исто така Тревизан за првпат е полуфиналистка на Грен слем. Таа ја постигна 10-та последователна победа, а овој месец во Рабат ја освои првата ВТА титула во кариерата.

Втората полуфинална двојка во женска конкуренција ќе ја дознаеме в среда по четвртфиналните дуели Кудерметова – Касаткина и Швјонтек – Пегула.