Треба ли Миркуловски да се врати во националниот тим?

men2020.ehf-euro.com

Миркуловски кој до сега ги бранеше боите на бундеслигашот Вецлар е секако ракометар со големо искуство, настапувајќи на континенталните собири.

Селекторот на репрезентацијата, Данило Брестовац му даде шанса на младиот Марио Танкоски кој севкупно имаше само два гола во квалификацискиот циклус.

Фото: РФМ

Филип Кузмановски и Филип Талески комбинираат на позициите лев и среден бек. Новиот член на Магдебург како организатор на играта вкупно имаше девет погодоци во овие квалификации, а 20 повеќе Талески кој воглавно го гледаме како лев бек.

Средниот бек Горан Крстевски кој секако претставува уште една голема ракометна надеж, беше во составот само за дуелот со Грција во Струмица, без погодок. Немања Прибак играше само во првите два меча со четири голови против Турците и Грците. Секако не ги забораваме имињата како Филип Чурлевски, Ласко Андоновски, Мартин Манасков, Марко Мишевски кои како „резерви“ ја чекаат својата шанса.

фото: РФМ

И тука некаде завршува приказната околу позицијата организатор на игра ако ги земеме само завршените квалификации. Погодоците доаѓаа најмногу од десниот бек Лазаров кој беше трет стрелец (43 голови) севкупно во евро квалификациите, делумно од крилата и пивотите.

Миркуловски е еден од играчите заедно со Кирил Лазаров (39), на залез на кариерата, плејмејкерот е четири години помлад од нашиот капитен.

Се поставува прашањето дали популарниот „Жути“ заслужува уште една шанса да го покаже својот квалитет, во овој случај ЕП 2020 во Виена каде што ќе ги играме мечевите од групната прелиминарна фаза.

Човекот кој исто така имаше придонес во освојувањето на историското петто место на ЕП 2012, со големи мечеви во ЛШ со Металург, а еве веќе четири години стекнува и бундеслигашко искуство.

Украинците се едни од ривалите на следниот континентален собир, нивниот селектор Сергеј Бебешко напомена дека играта на Македонија многу ќе зависи од Кире Лазаров, Миркуловски кој пак да напоменеме не беше повикан за ниту еден од квалификациските мечеви, па затоа и можеби на виделина беа несигурната игра, неубедливоста, иако пред себе имавме ривали како Грција, Турција.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот