Трауматичниот брак на Џеки Кенеди со Оназис: Ја наместил да ја фотографираат гола!

Фото: Profimedia

Една од омилените први дами на Америка, Џеки Кенеди, по смртта на нејзиниот маж Џон Ф. Кенеди, утеха нашла во стариот и пребогат грчки бизнисмен Аристотел Оназис.

Светот бил шокиран бидејќи Џеки се премажила за милијардерот пет години по смртта на Кенеди, а Гркот бил познат како љубител на жени „со тежок карактер“.

Во книгата на американската пејачка Карли Симон, која ѝ била пријателка на Џеки, напишани се нови детали за нивниот брак.

„Да ја познавав Џеки тогаш, дефинитивно би ѝ рекла да не се мажи со него. Не би ѝ го допуштила тоа, би направила нешто за тоа да не се случи“, рекла Симон, која Оназис го познавала од претходно и вели дека знаела за неговите тајни полиња со нафта, тешкиот карактер поради кој кршел тањири за време на кавгите со бројните љубовници и постојаните гласини дека го нарачал убиството на Роберт Кенеди.

Оназис со години бил во врска со оперската пејачка Марија Калас, која ја оставил поради Џеки, но подоцна пак ѝ се вратил. И нејзе емоционално и психички ја уништил, а Џеки со пријателката споделила дека не ја криел аферата од неа.

„Кога одеше да се најде со неа, не ми кажуваше, ама ставаше многу колонска вода пред да се качи на шестчасовниот авионски лет до кај неа. Можеше да се намириса кога ќе слета, пред да ја види. Ама сакаше јас да знам каде оди и да ми даде до знаење дека не сум му сè на светот. Не сакаше да ме остави, за случај да се испостави дека сум совршената жена со која сакал да биде во брак“, се доверила Џеки.

Аристотел Оназис о Џеки Кенеди во 1968 година / Фото: The Hollywood Archive / Hollywood Archive / Profimedia

Дури и се фалел со тоа и велел дека е многу богат и дека „му се може“. Со потсмев ја нарекувал „лажна леди“, а во лице знаел да ѝ каже дека е само „обична вдовица“.

Кога во 1972 година се појавиле фотографии на кои Џеки Кенеди е гола, цел свет занемел. Некогашната прва дама го добила прекарот „жбунче од милион долари“.

Џеки била јавно понижена, а за тоа не бил заслужен никој друг туку Аристотел Оназис и како што наведуваат странските медиуми, неговата љубовница Марија Калас.

Марија Калас / Фото: Keystone Press Agency / Zuma Press / Profimedia

Џеки во тоа време често му пишувала писма на нејзиниот пријател Розвел. Едно писмо стигнало во рацете на Аристотел. Прочитал дека таа за него мисли дека е „одвратен валкан старец“. Тоа не му пречело колку фактот дека Џеки можеби имала афера со Розвел, додека тој неколку дена претходно потрошил 500.000 долари за 200 пара нејзини чевли.

Тогаш почнала одмаздата! Аристотел Оназис лично го дал точното време и локацијата на островот Скорпиос на кој Џеки ќе шета гола. Кога се појавиле нејзините слики во јавност, Џеки му се јавила, плачела и го молела да се јави во медиумите и да им рече на адвокатите да ја решат ситуацијата.

Оназис починал во 1975 година во Париз, а покрај него не била Џеки, туку Марија Калас, која му останала верна целиот живот, а токму поради него ја ставила кариерата на страна. Тагувала уште две години и починала, а Џеки Кенеди по смртта на Оназис била ослободена. Со децата се преселила во Њујорк и почнала да работи како литературен уредник, а починала во 1994 година.

Скандалозните фотографии на Џеки Кенеди / Фото: Profimedia

Повеќе на темата:

„Бело самоубиство“: Тажната љубовна приказна на големата Марија Калас

Џеки Кенеди: Тајните на жената која преку ноќ знаеше да се претвори во убавица

По атентатот на Кенеди семејството се иселило од Белата куќа преку ноќ: Се вратиле само еднаш во строга тајност

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот