Телото на кралицата пристигна во Вестминстер: Меган Маркл и принцезата Кејт во различни автомобили
Ковчегот со телото на кралицата Елизабета вчера пристигна во Вестминстерската сала на Бакингемската палата во поворка која траеше триесет и осум минути.
Телото на кралицата ќе биде во Вестминстер следните пет дена, а секој што сака да ѝ оддаде почит ќе може да влезе и да го види ковчегот. Нејзините синови, принцезата Ана и принцовите Вилијам и Хари, одеа зад ковчегот на кралицата во поворката.
На принцовите, им се придружија нивните сопруги на влезот во Вестминстер, сопругата на кралот, Камила, Софи, грофицата од Весекс, Кејт, принцезата од Велс и Меган, војвотката од Сасекс, кои пристигнаа со автомобили во истата поворка.
Така „завојуваното“ кралско семејство повторно се обедини, а принцезата Кејт и Меган ѝ оддадоа почит на кралицата облечени во црно со едноставни шешири и мрежа преку очите.
Меган се возела со сопругата на принцот Едвард
Меган Маркл не се возела со Кејт Мидлтон во ист автомобил, а сега се знае и зошто. Маркл била во автомобилот со сопругата на принцот Едвард, Софи, додека Мидлтон патувала со Камила.
Со оглед на тоа што Кејт сега е принцеза од Велс и е мажена за принцот Вилијам, кој е прв на редот за тронот, ова била главната причина да патува со сопругата на новиот крал, не со Меган.
Сцената на многумина ги потсети на погребот на принцезата Дијана
Принцовите Ендру и Хари беа единствените кои не носеа воени униформи, бидејќи на Ендру му беа одземени кралските почести, а Хари беше принуден да се откаже од нив откако се повлече од функцијата постар член на кралското семејство и се пресели во САД.
Вилијам и Хари во поворката зад кралскиот ковчег е сцена која многумина ја паметат од 1997 година. Откако Дијана загина во сообраќајна несреќа во Париз на 36-годишна возраст, Вилијам и Хари, тогаш 15 и 12 години, одеа низ центарот на Лондон покрај нејзиниот ковчег и тоа беше една од сцените што ги одбележа нивните животи.