Сузан Сарандон оствари бројни впечатливи улоги во својата богата кариера, но една никогаш не и беше доделена – злобница во филм со суперхерои.

Сега познатата оскаровка ќе го искуси и тоа, бидејќи во новиот филм „Blue Beetle“ ќе ја игра злобната Викторија Корд, лик кој е оригинално создаден за тој филм.

Најблиску досега Сарандон дојде во таков вид на актерска задача кога го позајми својот глас во „Црната вдовица“ во серијата „Wastelanders“.

„Blue Beetle“ е првиот голем суперхеројски филм во кој главниот јунак е од Јужна Америка.

Во ова остварување кое го режира Анхел Мануел Сото, тинејџерот Џејми Рејс пронаоѓа бубачка, која му дава одело со вонземски штит, супер брзина, сила и способност да создава оружје.

Главната улога и е доверена на ѕвездата од серијата „Cobra Kai“, Чоло Маридуена.

Сценариото го потпишува Гарет Данет Алкосер, а во филмот играат уште и Џорџ Лопез, Адријана Барак, Елпидија Кариљо и многу други.

Премиерата е закажана за август следната година.