Шефицата на Обвинителството за гонење на организиран криминал и корупција, Вилма Русковска, утре ќе поднесе обвинение за случајот „Рекет“.

– Истрагата во првиот дел за „Рекет” е при крај. Обвинителката Вилма Рускоска работи на донесување јавно-обвинителска одлука. Колку што сум информиран во текот на утрешниот ден ќе селди обвинение за тој дел, изјави денеска шефот на републичкото обвинителство Љубомир Јовески.

Првоосомничен во случајот е Бојан Јовановски, кој не успеа вчера да даде исказ затоа што му се слоши додека беше во ОЈО за организиран криминал, по што беше префрлен со Брза помош во Ургентниот центар, па вратен во Шутка. Второосомничениот е Зоран Милески Кичеец, кој е во домашен притвор, додека третоосомничената, поранешната специјална јавна обвинителка Катица Јанева, се реши да не дава исказ.

Јовановски и Милески се осомничени дека преку Јанева издејствувале ослободување од притвор и кривично гонење на осомничениот бизнисмен Орце Камчев во истрагата „Импарија“; која ја водеше СЈО, а Камчев им платил 1,5 милиони евра.

Обвинителството за организиран криминал и корупција го отвори случајот „Рекет” против Бојан Јовановски-Боки 13 и Зоран Милевски-Кичеец, за потоа истрагата да се прошири и против Катица Јанева. Боки 13 и Јанева се во затворски, а Кичеец се во домашен притвор.