Јаник Синер продолжи да доминира во дуелите со Александар Зверев, совладувајќи го по осми пат во низа, односно третпат сезонава.

Во полуфиналето на мастерсот во Монте Карло, Синер без поголеми проблеми стигна до победа од 2-0 во сетови (6:1, 6:4) за само 82 минути игра.

Иако Зверев по традиција игра добра на овој турнир и има шест полуфиналиња на последните седум настапи, Германецот повторно не успеа да направи исчекор кон финале, што јасно ја покажува разликата меѓу него и Италијанецот.

Првиот сет помина во целосна доминација на Италијанецот, кој беше сигурен на форхендот, додека Зверев правеше серија грешки. Во вториот сет Германецот заигра поагресивно, но не успеа да создаде ниту една брејк можност.

Клучниот момент дојде при резултат 5:4, кога Зверев направи неочекувана грешка на 15-15, по што Синер успеа да ја искористи ситуацијата и да го приведе мечот кон крајот.

За четвртата титула во низа од мастерс серијата, вкупно осма во кариерата, Синер ќе се бори против победникот од дуелот меѓу Карлос Алкараз и Валентин Вашеро.