Италијанецот Јаник Синер продолжува со импресивните настапи на завршниот Мастерс во Торино, откако денес без поголеми проблеми го совлада Бен Шелтон со 2-0 во сетови (6-3, 7-6).

Синер влезе агресивно во мечот и уште во првиот гем успеа да му го одземе сервисот на Американецот. Шелтон не најде одговор, а во деветиот гем повторно го загуби својот сервис, што му овозможи на Синер со 6-3 да го заврши првиот сет.

Вториот сет донесе поизрамнета игра, двајцата беа сигурни на свој сервис, па исходот се решаваше во тај-брејк. Таму Синер беше посмирен и поконцентриран, не дозволувајќи Шелтон да се врати во мечот.

Со оваа победа, Синер како првопласиран во групата обезбеди пласман во полуфиналето, каде што утре ќе се соочи со Алекс де Минор.

Преземено од: Спорт.ком.мк