Што ќе се случи со интервјуто на Меган и Хари доколку состојбата на принцот Филип се влоши? Продуцентите на емисијата не дозволуваат одложување!

меган маркл принц хари
Profimedia

Одбивањето на продуцентите да се одложи големото телевизиско интервју на Меган Маркл и принцот Хари кај водителката Опра Винфри би можело да ја активира „дипломатската бомба“ доколку здравјето на принцот Филип се влоши, тврдат изворите.

За големото интервју кое бремената војвотка Меган Маркл (39) и принцот Хари (36) го дадоа во телевизиското гостување кај Опра Винфри, а кое премиерно ќе биде објавено на 7-ми март се зборува веќе некое време. Меѓутоа, поради здравствената состојба принцот Филип кој се лекува од инфекција во болница, се поставува прашањето дали емисијата на „CBS“ ќе биде повлечена.

Фото: Профимедиа

Продуцентите на интервјуто одбиваат да го повлечат емитувањето на експлозивниот разговор кој славната водителка го сними со војвотката и војводата од Сасекс, дури и доколку здравствената состојба на принцот Филип, сопругот на кралицата Елизабета се влоши, пишува Мирор.

Се уште не е познато дали принцот Хари упатил барање за повлекување на бомбастичното интервју до Опра Винфри или продуцентите поради здравјето на неговиот дедо, кој вчера беше префрлен во друга болница за да продолжи со лекувањето.

Фото: Профимедиа

Да се потсетиме, се шпекулира дека во споменатото интервју кралскиот пар ќе зборува за тензиите во внатрешноста на кралското семејство, борбата која ја воделе со медиумите, повлекувањето од кралските должности и преселувањето во Америка, потоа за синот Арчи и бебето кое го очекуваат.

Опра Винфри ова интервју сама го нарече – најдоброто интервју кое го направила во животот.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот