Шампионско славје на Маркес во Валенсија – Слободен печат
ОстанатoСпорт

Шампионско славје на Маркес во Валенсија

Шампионот на „Кралската класа“, Марк Маркес со победа ја заврши одличната сезона во која ја освои титулата.

Возачот на „Репсол Хонда“, Шпанецот славеше пред домашната публика во Валенсија, а трката ја заврши со време 41:21.469 минута.

Втор низ целта помина возачот на „Петронас Јамаха“, Фабио Квартараро (+1.026 секунда), додека трет трката ја заврши Џек Милер од „Прамак Рејсинг“ (+2.409 секунди).

Редоследно од четвртата до 10 позиција се најда Андреа Довициозо, Алекс Ринс, Маверик Вињалес, Жоан Мир, Валентино Роси, Алеш Еспаргаро и Пол Еспаргаро.

Марк Маркес со овој триумф (12. во сезоната) во Валенсија ја освои првата позиција со 420 поени. Тоа е статистички најдобар резултат во една сезона во историјата на Мото ГП шампионатот.

Во конечниот генерален пласман зад Маркес завршија Италијанецот Довициозо со 269 бодови и Вињалес од Шпанија (211).

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close