Шефот на Светска банка, Дејвид Малпас, денеска објави дека ќе се повлече од функцијата до крајот на јуни.

„По долго размислување, одлучив да се насочам кон нови предизвици“, наведе 66-годишниот Малпас во изјава од банката, откако го извести својот одбор за одлуката.

„Ова е можност за непречена транзиција на лидерството бидејќи Банката работи за да одговори на зголемените глобални предизвици“.

Неговиот мандат во Светската банка – четири години – доведе до тоа групата да се соочи со глобални кризи како што се пандемијата „Ковид-19“ и руската инвазија на Украина, како и со меѓународно економско забавување.

Банката во соопштението наведе дека „брзо одговорила“ во соочувањето со овие предизвици, особено мобилизирајќи рекордни 440 милијарди американски долари како одговор на пандемијата.

„Под негово раководство, Банката повеќе од двојно го зголеми своето финансирање за климата на земјите во развој, достигнувајќи рекордни 32 милијарди долари минатата година“.