Линда Носкова испиша нова страница во својата кариера, откако ја освои титулата на Вимблдон победувајќи ја сонародничката Каролина Мухова со 2-1 во сетови (6-2, 5-7, 6-3).

Во финалето кое траеше два часа и 29 минути, младата чешка тенисерка прикажа зрела и сигурна игра, надминувајќи го падот во вториот сет за на крајот да стигне до својот прв грен-слем трофеј.

Носкова одлично го отвори мечот, наметнувајќи силно темпо со агресивни удари и сигурни ритерни. Таквата игра ѝ донесе убедлива предност, па првиот сет го освои со 6:2 за само 32 минути.

Во вториот сет изгледаше дека победникот е веќе решен кога Носкова поведе со 5:2. Сепак, Мухова не се предаде и со серија одлични гемови успеа да се врати во игра. Таа спаси вкупно четири меч-топки, направи пресврт и со пет последователно освоени гема го доби сетот со 7:5, израмнувајќи на 1:1.

Иако многумина очекуваа психолошки пад на Носкова, младата Чехинка одговори на најдобар можен начин. Уште во вториот гем од решавачкиот сет направи брејк, а потоа без поголеми проблеми ја зачува предноста и со 6:3 ја завери најголемата победа во својата досегашна кариера.

Со триумфот во Лондон, Носкова за првпат се искачи на грен-слем тронот и го освои најзначајниот трофеј во својата кариера.

Linda’s moment ✨#Wimbledon pic.twitter.com/IXk0WdmAOo

— Wimbledon (@Wimbledon) July 11, 2026