Белгискиот голман Тибо Куртоа не го доигра дуелот против Шпанија, кој неговата репрезентација го загуби со 2:1, откако беше заменет поради повреда. Сепак, искусниот чувар на мрежата по натпреварот изјави дека се чувствувал способен да продолжи, но дека селекторот одлучил поинаку.

По поразот, Куртоа откри дека размислува за привремено повлекување од националниот тим. Неговата намера е да направи едногодишна пауза од настапите за Белгија, а потоа повторно да му се стави на располагање на тимот за квалификациите за Европското првенство.

„Би сакал да паузирам една година од репрезентативните обврски, а потоа повторно да играм во квалификациите за Европското првенство. Но, не знам дали Белгија ќе прифати таков предлог“, изјави Куртоа.

ВИДЕО | Шпанија во финишот ја победи Белгија и се пласираше во полуфиналето