ВИДЕО | Норвешки навивач кој одби да „весла“ стана хит, објасни зошто не сака да го прави тоа
По победата на Норвешка над Бразил со 2:1 и пласманот во четвртфиналето на Светското првенство, норвешките навивачи повторно ја приредија својата препознатлива прослава, таканареченото „викиншко веслање“, кое стана еден од највпечатливите навивачки симболи на шампионатот.
Препорачано
Додека илјадници навивачи синхронизирано ги имитираа движењата на веслање, еден човек привлече особено внимание бидејќи одби да учествува. Со сериозен израз на лицето, облечен во дресот на норвешката репрезентација, Емил Лапен мирно седеше меѓу еуфоричната толпа, а снимката брзо стана хит на социјалните мрежи.
“They can win whatever they want, I will not row.”
Norway fan Emil Lappen explains to @BarbaraGSerra why he won’t be taking part in the Viking row while watching his team play at the World Cup.
Latest: https://t.co/GlRk0LAyx2
📺 Sky 501, Virgin 602, Freeview 233 and YouTube pic.twitter.com/x95bElaxPv
— Sky News (@SkyNews) July 9, 2026
Во разговор за „Скај“, Лапен објасни зошто решил да остане настрана од прославата.
„Мене тоа едноставно ми е многу глупаво. И ме нервира. Не сакав да учествувам во тоа. Многу наликува на прославата што ја имаа навивачите на Исланд“, рече Лапен.
Тој смета дека норвешката прослава е само изменета верзија на познатата исландска навивачка кореографија, која стана хит за време на Европското првенство во 2016 година, кога навивачите синхронизирано плескаа над главите и извикуваа „ху“.
It’s crazy how Iceland were the FIRST team to do this Viking clap back in 2016, now so many other teams have copied or made their own variation.
Never forget who started it first. 🇮🇸🇮🇸 pic.twitter.com/ts2lyvWJL8
— Chiesa🏴 (@Hazariio) July 4, 2026
„Тоа што движењата се малку поинакви не значи дека не е копија. На крајот реакцијата на луѓето е иста. Освен тоа, ме нервира и тврдењето дека Викинзите веслале преку Атлантикот. Тоа не е точно. Веслале по реките, а преку Атлантикот пловеле со едра. Сакав да испратам порака и мислам дека успеав во тоа“, изјави Лапен.
Ќе потсетиме, Норвешка вечерва ја очекува битката за полуфинале на Мундијалот во кој ќе играат против Англија во 23:00 часот по средноевропско време.
🇳🇴 | Norway’s Viking Row has taken over Miami Beach hours before quarter-final clash vs England…🚣🏻🤯#FIFAWorldCup pic.twitter.com/PZtA3UnZmj
— ULTRA ATTACKIVE (@UltraAttackive) July 10, 2026
