Се бакнаа и скокнаа во смрт: Арсен и неговото момче објавија тажни фотографии, па извршија самоубиство
Млад пар објави фотографии од нивниот последен бакнеж пред да скокне во смрт од мост во Ерменија, тврди локална ЛГБТ група.
Тигран и Арсен објавиле фотографии на Инстаграм од нивните последни моменти со порака: „Среќен крај. Одлуката да ги објавиме фотографиите и нашите следни чекори ги донесовме двајцата“.
Парот потоа скокнал од 95-метарскиот мост Давташен во Ереван, соопшти „Пинк Ерменија“.
View this post on Instagram
Локалните медиуми наведуваат дека родителите на момчињата не ја прифатиле нивната врска, а се верува дека Арсен побегнал од дома, иако нема официјална потврда.
– Годините се пред вас, но поради нетрпеливост кон нив, тие направија таков трагичен чекор – навела групата за човекови права за „Пинк Ерменија“.
Како што велат, „на ЛГБТ луѓето многу добро им е познато чувството на изолација и неразбирање на семејството и општеството. Овој трагичен случај уште еднаш докажува дека ЛГБТ лицата во Ерменија не се безбедни и не се заштитени од општеството или државата“, се наведува.
„Пинк Ерменија“, исто така, тврди дека објавата на парот била преплавена со гнасни хомофобични коментари по нивната смрт, пишува „Дејли мејл“.
Хомофобијата е голем проблем во Ерменија и многу ЛГБТ парови се соочуваат со дискриминација во поранешната советска нација. Хомосексуалноста беше декриминализирана дури во 2003 година и многумина и понатаму одлучуваат своите врски да ги држат во тајност.
Земјата е рангирана на 47 место од 49 во Европа за правата на ЛГБТ, а заостануваат само Русија и Азербејџан.