Марија Сакари во четвтфиналето на Ролан Гарос ја елиминира бранителката на насловот, Ига Швјонтек во два сета и тоа со 6:4,6:4 со што се пласира во полуфиналето.
За пласман во финалето, Сакари ќе игра против чешката тенисерка Барбара Крејчикова.
Шампионката подобро го отвори мечот, ведна направи брејк и поведе со 2:0, но Сакари веднаш возврати со ри-рејк. Израмнетата игра траеше се до деветтиот гем кога грчката тенисерка дојде до две брејк топки, а ја искористи првата и на свој сервис успеа да поведе со 1:0 во сетови.

✨ First-time Grand Slam Semifinalist ✨@mariasakkari takes out the defending champion Swiatek in straight-sets!#RolandGarros pic.twitter.com/p3pQdofKEX

— wta (@WTA) June 9, 2021

Сакари продолжи во идентичен ритам и во вториот сет, направи брејк во првиот гем кој го потврди за водство од 2:0. Во тие моменти Швјонтек побара медицински тајм-аут поради повреда на ногата. На теренот се врати со превсрка на ногата, а тоа значеше дека тешко ќе успее да и се спротивстави на Сакари. Швјонтек некако успеваше да го зачува својот сервис, но немаше апсолутно никаква шанса на сервисот на противничката. Сакари предноста ја зачува до крајот и со 6:4 дојде до конечен триумф. Крејчикова во четвртифиналето беше подобра од Американката Коко Гоф со 7:6,6:3.