Ролан Гарос: Рутински триумф на Циципас, маратонот му припадна на Нишикори
Петтиот носител Стефанос Циципас рутински обезбеди пласман во третото коло на Ролан Гарос откако со 6:3,6:4,6:3 го победи Педро Мартинес. Циципас до победата на „Сузан Леглен“ дојде за два ипол часа игра, а мечот го заврши со 45 винери и 30 грешки.
Почетокот на мечот понуди голема борба, Мартинес прв направи брејк и поведе со 2:3, но одговорот на Циципас беше брутален, ги освои наредните четири гема и го освои сетот со 6:3.
Во вториот сет, Циципас успеа да направи еден брејк повеќе од противникот кој беше доволен да поведе со 2:0 по што во последниот трет сет да поведе со 4:1 и рутински да го заврши мечот.
Следен противник на петтиот носител ќе му биде Џон Изнер кој го елиминира Филип Крајиновиќ со 7:6,6:1,7:6.
За разлика од Циципас кој работата ја заврши во три сета, Кеи Нишикори и Карен Хачанов одиграа вистински маратон во пет сета. Јапонецот по речиси четири часа игра славеше со 4:6,6:2,2:6,6:4,6:4 и Нишокори во третото коло го очекува 150. тенисер на АТП ранг листата Хенри Лаксонен кој направи изненадување со победата над 11. носител Роберто Баутиста Агут во четири сета со 6:3,2:6,6:3,6:2.
Фабио Фоњини ја опвда улогата на фаворит против Мартон Фучович со славеше во три сета со што си закажа пресметка со Фередико Делбонис кој во пет сета беше подобар од Пабло Андухар.