Роберт Патинсон (39) зад себе има бројни улоги, но како што наведе, сите не подразбирале удобна облека. Во текот на играта „Lie v. Lie“ во емисијата на „Ентертејнмент викли“ (Entertainment Weekly), во која учествуваше заедно со Зендаја, тој се обиде да ја збуни колешката со приказната за најнепријатниот костим што морал да го носи, пишува „Пипл“.

„Еднаш снимав филм во кој единственото нешто што го имав на себе беше цевка во задникот“, изјави Патинсон, што Зендаја во прв момент го сметаше за лага.

Меѓутоа, актерот потврди дека станува збор за вистински настан и ѝ порача на колешката да се обиде да „носи внатрешен костим“. Тој додаде дека ова необично искуство се случило на сетот на филмот „Мики 17“, во режија на Бонг Џун Хо. Патинсон призна дека цевката била премногу свиткана и премала за вметнување.

Овој реквизит го спомена и во интервју за „Ју-ес Тудеј“ во март 2025 година, кога изјави дека се чувствувал како „експериментално глувче“, особено за време на снимањето на сцените кои вклучуваат хибриден МРИ-принтер, важен за дејството на филмот.

Присетувајќи се на снимањето, Патинсон наведе дека еден актер имал задача да постави челични валјаци врз него.

„Рекоа: ’Во ред, сакаме да снимиме крупен кадар каде што му ја ставаш цевката во задникот на Роб‘. Типот изгледаше како да му е прилично непријатно додека го правеше тоа. Јас некако седев таму и му велев: ’Во ред е, човеку, само набиј ја внатре‘. Тоа беше вистинско искуство за обликување на ликот“, се присети актерот.

Темата за снимање непријатни сцени повторно беше актуализирана неделава, а за слично искуство зборуваше и Џон Хам. Тој беше прашан за снимањето сцени со гол задник во втората сезона на серијата „Your Friends & Neighbors“. Гостувајќи на радио кај Енди, Хам зборуваше за сцената во која неговиот задник е откриен во првите шест и пол минути од сезоната.