Осмиот светски тениси рекет Каспер Руд обезбеди пласман во финалето на турнирот од мастерс серијата 1000 во Мајами откако во полуфиналето беше подобар од Франциско Серудоло со 6:4, 6:1. Руд до своето прво мастерс финалето дојде за 95 минути игра.

Првиот сет започна со брејк на Серундоло, но Руд веднаш направи ри-брејк и израмни на 1:1 во гемови. Потоа и двајцата тенисери беа сигурни на свој сервис и така беше се до десеттиот гем кога Руд ја искористи втората брејкт топка на сервис на Аргентинецот што значеше и водство од 1:0 во сетови.

Во вториот сет, Норвежанецот немаше проблеми против индиспонираниот противник и два пати го одзеде сервисот на Серундоло за убедливи 6:1 и за прв пат во кариерата се пласираше во мастерс финале.

Противник во финалето ќе му биде подобриот од натпреварот помеѓу  бранителот на трофејот  Хуберт Хуркач и Шпанецот Карлос Алкарас.