Првиот човек на „Австралија опен“ му посакува добредојде на Новак Ѓоковиќ
Директорот на тенискиот грен слем турнир „Австралија Опен“, Крег Тајли, изјави дека српскиот тенисер Новак Ѓоковиќ треба да пристигне денеска во Австралија, нешто помалку од една година откако беше депортиран откако одби да се вакцинира против коронавирусот.
– Му посакуваме добредојде во Австралија. Мислам дека додека зборуваме, тој патува за Аделаида и мислам дека тој ќе биде играчот кој ќе мора да го победите ако сакате да ја освоите титулата – рече Тајли.
Првиот Грен слем турнир во новата сезона ќе се одржи од 15 до 29 јануари 2023 година во Мелбурн.
Деветкратниот шампион на „Австралија опен“ и освојувач на 21 грен слем титула Ѓоковиќ доби забрана за одбрана на титулата во Мелбурн на почетокот на јануари, бидејќи не беше вакциниран против коронавирусот, кој беше задолжителен за влез во Австралија.
Потоа беше депортиран и три години му беше забранет влез во земјата, но таа забрана беше укината во ноември. Светскиот рекет број пет ќе игра прв на турнирот во Аделаида, кој започнува в недела.
– Во минатото, секогаш имав шанса да започнам силни натпреварувачки сезони во Австралија и сакам да играм таму. По она што се случи минатата година, се надевам дека ќе добијам вистинско добредојде и дека тоа ќе ми помогне да го играм мојот најдобар тенис – рече Ѓоковиќ во петокот во Дубаи.
President of the Australian Tennis Federation Craig Tiley welcomes the return of Serbian 🇷🇸 star @DjokerNole to Australia & calls on fans to give the World number one a rousing reception 2 weeks before the start of the first major @AustralianOpen (down under) pic.twitter.com/Y8uM4mReEd
— David Oku ⭐ (@davidtalks772) December 27, 2022