Премиерот на Федерацијата БиХ, Фадил Новалиќ, вчера доживел несреќа додека планинарел, а во објава на Фејсбук напиша дека повредата не е сериозна и дека брзо се враќа на деловните обврски.

Како што објави босански „Кликс”, Новалиќ при планинарење се лизнал и паднал, поради што се здобил со физички повреди. „Висината од која падна не беше голема, па Новалиќ беше само полесно повреден. Се здоби со повреди на десната рака, но главно не е ништо сериозно“, им рекол изворот.

„Драги пријатели, денеска малку се повредив, но фала богу не е ништо сериозно. Наскоро ќе се вратам на работа и ќе продолжам да работам за доброто на сите граѓани на Федерацијата. Ви благодариме за вашите коментари за поддршка и добри желби . Се гледаме наскоро!” напиша Новалиќ на својот Фејсбук.

Кликс потсетува дека Новалиќ е страстен планинар и дека често на социјалните мрежи споделува фотографии од бројни босански и регионални планински дестинации.