Полициска службеничка вчера завршила со тешки повреди откако била нападната со нож за време на интервенција по пријава за семејно насилство на островот Угљан пренесува „Н1“.

Задарската полиција ја добила пријавата во 17:56 часот, по што полициски службеници веднаш биле испратени на местото на настанот.

За време на интервенцијата во семејната куќа, маж ја нападнал полицајката со остар предмет. Таа се здобила со тешки повреди и е хоспитализирана во болница во Задар.

Случајот денеска го коментираше хрватскиот министер за внатрешни работи Давор Божиновиќ, кој истакна дека најважно е што полицајката е во стабилна состојба.

„Ѝ посакувам брзо закрепнување. Системот ќе им ја обезбеди сета потребна поддршка на полициските службеници кои работат опасна и важна работа. Мажот ја нападнал со ладно оружје, таа е надвор од животна опасност, сторителот е уапсен и во тек е криминалистичка истрага“, изјави Божиновиќ.

Хрватка го терала сопругот да убие друг маж — му понудила и пари, тој ја пријавил