Грчки воен авион „Ф-16Ц“ извршил итно слетување на меѓународниот аеродром на Закинтос и се запалил, објавија локалните медиуми.

Станува збор за борбен авион на грчкото воздухопловство кој полетал од воздухопловната база „Араксос“ во близина на Патрас.

A Hellenic Air Force F-16 made an emergency landing and caught fire at Zakynthos International Airport, western Greece, on Thursday afternoon.

According to initial information, the pilot is in good health.

At this time, authorities are assessing the damage to the aircraft,… pic.twitter.com/90AaUcimSb

— Breaking Aviation News & Videos (@aviationbrk) July 9, 2026

Локалните медиуми јавуваат дека пилотот е добро. Пожарот е изгаснат, а снимките објавени на социјалните мрежи покажуваат како пожарникарите ги гаснат пламените што го зафатиле авионот на аеродромот.

Грчките медиуми јавуваат дека пилотот веднаш ги известил Националниот центар за воздушни операции, Тактичката воздушна команда и базата Араксос од која полетал. Му било наложено да изврши итно слетување на аеродромот на Закинтос.

Инцидентот ги стави аеродромските служби во состојба на висока готовност и привремено ги откажа сите летови.

Според грчките извештаи, пожарот избувнал по итно слетување, а како причина за слетувањето е наведена техничка грешка. Дел од извештајот споменува можен проблем со опремата за слетување, но официјална потврда за причината сè уште не е објавена.

Авионот припаѓа на 116. борбено крило на грчките воздухопловни сили. Се очекува истрага за причината за инцидентот откако ќе се изгасне пожарот.