Драматична бркотница во Охрид синоќа завршила трагично, откако сопатник во автомобил што бегал од полицијата проголтал пакетче со дрога во обид да ја скрие, по што му се влошила состојбата и починал.

„На 08.07.2026 година во 22:30 часот на булеварот ‘Туристичка’ во Охрид, лишен од слобода е И.М.(32) од Охрид. Тој, управувајќи патнички автомобил ‘ренџ ровер’ со чешки национални ознаки, не го сопрел возилото по даден знак од полициската патрола туку избегал и по дополнително преземени активности, бил застанат. Притоа, полициските службеници во возилото го забележале С.П. од Охрид кој веднаш проголтал паковка со наркотична материја по што, му се влошила здравствената состојба“, соопшти МВР. Полициските службеници повикале Итна медицинска помош и С.П. бил пренесен во Општата болница во Охрид. И покрај обидите на лекарите да го спасат, тој починал“, пишува во соопштението.

По наредба на јавен обвинител, врз телото на починатиот охриѓанец денеска ќе биде извршена обдукција во Општата болница во Битола.

Пронајдена дрога во Охрид, приведен 25-годишник