Предлогот на Дескоска на буниште: Партиите не ги даваат парите

Тешко дека партиите ќе се откажат од парите кои со консензус си ги доделија од Буџетот. Со Законот за политичките партии, партиите братски си делат над 4.5 милиони евра кои на годишно ниво ги добиваат од државата. Од нив, 30 отсто се за малите, а 70 отсто за големите партии.

Министерката за правда Рената Дескоска предложи, со уредба, политичките субјекти да се откажат од овие средства во интерес на борбата против заразата со коронавирусот. По изјаснувањето на ВМРО-ДПМНЕ и на СДСМ за предлогот, вчера и ДУИ излезе со став. Високиот партиски функционер од редовите на интегративците, Бујар Османи на прашањето на Слободен печат дали за партијата е прифатлив прелогот на министерката за правда,  паратиите да се откажат од државните пари вели:

-Треба да престане лицитацијата со предлози во јавноста. Секој кој има предлог, тоа да го направи во Кризниот штаб или во Владата. Таму ќе се разгледаат и доколку се донесе одлука, секој ќе треба да се прилагоди на таа одлука независно кој е ставот на партиите. Мора да оставиме оваа криза да ја менаџираат институциите – рече Османи.

Прочитајте и...  Домашни реакции на бугарски меморандум: Македонскиот јазик и идентитет се неспорен факт

Претседателот на опозициската партија, Христијан Мицкоски ѝ порача на министерката Дескоска, на владина седница како прва точка да предложи владините функцонери да се откажат од илјадниците евра хонорари, надоместоци,  репрезентации, а како втора, откажувањето на партиите од овогодишното финансирање. Мицкоски вети дека министерот од ВМРО-ДПМНЕ безусловно ќе го поддржи нејзиниот предлог.

-Ние како ВМРО-ДПМНЕ и претходните претседателски избори и овие парламентарни избори ќе ги дочекаме како единствена политичка партија во Европа  која има незаконски замрзнат имот и без исплатени пари за тековно годишно функционрање на партијата. Очекувам пред оваа точка да ја стави точката со која ќе се донесе уредба со сила на законот каде што сите министри во Владата, заменици, државни секретари, именувани избрани лица, ќе се откажат од високите плати и да работат про боно до завршување на нивниот мандат – рече Мицкоски.

Од Министерството за правда на прашање на Слободен печат, дали добиле позитивни сигнали од партиите за предлогот да се откажат од парите, нѝ рекоа дека и понатаму стојат на ставот дека  Владата треба да го донесе тој акт.

Прочитајте и...  Средба на Независниот академски синдикат со Царовска

– Ние сме подготвени, но како што видовме ВМРО-ДПМНЕ го отфрли предлогот и се жалеше дека се партија со замрзнат имот. Очекуваме поддршка од партиите за да може Владата да ја стави на дневен ред – велат во Министерството за правда.

Предлогот на Дескоска го поддржа СДСМ.

-Секако дека СДСМ како одговорна партија во овие сериозни времиња и предизвици за сите нас како граѓани. го поддржува предлогот на министерката за правда Рената Дескоска затоа што сметаме дека тоа е чин на солидарност и таква солидарност на дело треба да покажеме сите политички чинители во нашата држава – рече портапролот на СДСМ Костадин Костадинов.

Во јавноста за овој предлог досега ниту една друга партија не се произнесе.

Министерката Дескоска на својот фејсбук профил напиша дека очекува партиите да покажат солидарност на дело откажувајќи се од парите.

„Како министер за правда во чија надлежност е Законот за финансирање на политичките партии ќе предложам уредба со законска сила со која ќе се укине годишното финансирање на политичките партии кое треба да се исплати оваа година“, напиша Дескоска.

Прочитајте и...  Советот за човекови права на ОН усвои Резолуција за Белорусија

Партиите застапени во Собранието заедно го донесоа Законот за политичките партии со кој наместо 1,8 милиони евра како досега, од буџетот ќе добиваат 4,5 милиони евра на годишно ниво. Најмногу пари од државната каса им се поделиле на СДСМ и ВМРО-ДПМНЕ. Владејачката партија добила 1.180.000 евра, а најголемата опозициска партија 1.025.000 евра. На третото место според исплатената сума е партијата на Ахмети, ДУИ, со 441.000 евра, а далеку зад нив се БЕСА со 255.000 евра и Алијанса на Албанците којашто добила 245.000 евра. ГРОМ на Стевчо Јакимовски од парите на граѓаните оваа година добила 136.000 евра, а Сојузот на Ромите на Амди Бајрам 116.000 евра. Социјалистите на Ѕинго земале нешто помалку, односно 81.000 евра. Од партиите кои постојано се во коалиција со некоја од двете најголеми партии, НСДП искеширала 58.000 евра, ЛДП 63.000 евра, а ДОМ 54.000 евра.Дел од партиите кои добија пари оваа година немаат пратеници, ниту пак советници, но освоиле доволен процент гласови за да влезат во распределбата на парите од буџетот. Партијата на Власите партиципира со 11.800 евра, а Левица  со 94.500 евра.

Прочитај повеќе

Хафтар: Ќе ги отвориме нафтените полиња за да ја обезбедиме иднината на Либија

Слободен печат

Советот за човекови права на ОН усвои Резолуција за Белорусија

Слободен печат

Германското МНР за бугарскиот меморандум- историјата нека им остане на историчарите

Слободен печат

Димитров: Бугарија во членот 2 од Договорот за пријателство има обврска да ни помага во процесот на европска интеграција

Слободен печат

Ковачев: Гоце Делчев е на Македонија, никој не сака да и го земе, тој е и на Бугарија

Слободен печат

Над 13 илјади заразени во еден ден во Франција, во Париз заразата се шири најбрзо

Слободен печат

Остави Коментар

Прочитај повеќе

Во Атина „цвета“ короната, 40 отсто од вработените ќе работат од дома, се откажуваат концерти и кино проекции

Слободен печат

Претседателот на Гватемала заразен со ковид-19

Слободен печат

ВМРО-ДПМНЕ: Николовски и неговиот шеф се криминалци

Две брачни двојки пријавиле 1.200 лажни бремености, од француските власти извлекле близу два милиони евра

Слободен печат

Џонсон: Доаѓа втор бран, се плашам дека е неизбежен

Османи: Нема да дозволам сопки и емоции да влијаат на патот кон ЕУ, верувајте во тоа

Слободен печат