Грчкиот тенисер Стефанос Циципас е елиминиран во второто коло на Мастерсот од серијата 1000 што се игра во Монтреал.

Циципас е поразен од Џек Дрејпер во два сета и тоа со 7:5,7:6 за два часа и три минути игра. Во првиот сет, Дрејпер прв направи брејк во третиот гем, но Циципас возврати во шестиот гем за 3:3.

Потоа двајцата тенисери беа сигурни на свој сервис во наредните четири гема, за во 11. Дрејпер повторно да направи брејк кој го потврди со сигурен сервис и поведе со 1:0 во сетови.
Вториот сет беше решен во тај-брејкот, прв направи мини брејк Циципас, но Британецот возврати и два пати го одзеде сервисот и на крајот славеше со 7:4 за пласман во осминафиналето и дуел со Гаел Монфилс кој пак беше подобар од Максим Крејси.

Елиминација во второто коло доживеа и осмиот светски тенисер Андреј Рубљов кој во два сета со 6:4,6:4.

Најголемо изненадување во второто коло направи Ник Кирјос со елиминацијата на првиот носител Данил Медведев и тоа со пресврт. Кирјос кој играше во финалето на Вимблдон и потоа триумфира на турнирот во Вашингтон, одличната форма ја потврди со победа над Медведев од 6:7,6:4,6:2.

Феликс Оже-Алиасим во два сета го совлада Јошихита Нишиока со 7:6,6:4, додека Камерон Нори загуби само три гема против Ботик ван де Зандшулп.