Пепе за рекордни 80 милиони евра во Арсенал (ВИДЕО)
За потписот на Пепе (24) ова лето беше и Наполи, но во последен момент од трката се откажа италијанскиот вицешампион на нашиот Елиф Елмас.
Интернационалецот од Брегот на слоновата коска настапува како крило, во новиот клуб ќе го носи бројот 19 на дресот.
Welcome to The Arsenal, Nicolas Pepe ?
?? #PepeIsHere ⚡️ pic.twitter.com/nXJIB9XdLW
— Arsenal (@Arsenal) August 1, 2019
Според англиските медиуми договорот е на пет години според кој ќе заработува пет милиони евра годишно, а со овој трансфер стана и најскапиот африкански фудбалер во историјата. Рекордер досега беше Алжирецот Ријад Марез кој минатото лет за скоро 70 милиони евра од Лестер се пресели во Манчестер сити.
Менаџерот на „топчиите“, Унаи Емери вели дека Пепе е високо оценет и талентиран крилен играч, чии перформанси ги посакуваат голем број топ европски клубови.
✍️ The moment you were all waiting for! ?
?? #PepeIsHere ⚡️ pic.twitter.com/yTtSQdcuOZ
— Arsenal (@Arsenal) August 1, 2019
– Потпишувањето со врвно крило беше една од нашите клучни цели овој преоден рок и задоволен сум што тој ќе ни се приклучи. Ќе додаде темпо, моќ и креативност, со цел да онесе повеќе голови за нашиот тим – рече Емери.
Ланската сезона за Лил имаше 22 голови и 11 асистенции. Само Килијан Мбапе имаше повеќе (40) комбинирани голови и асистенции во „Лига 1“.