Пензионери се изненадиле кога слушале кој им ги платил сметките: „Мислев дека сонувам“ (ФОТО)
Американскиот актер, сценарист, режисер и продуцент, Тајлер Пери, ги воодушевил постарите граѓани во еден трговски центар. Имено, Тајлер ги платил нивните сметки за намирниците.
„Погледнете ги тие лица. Можете да ги видите солзите и насмевките преку маските“, напишал еден Твитер корисник.
CONFIRMED: @tylerperry paid for all groceries during Seniors Hour at 44 Atlanta-area @Kroger stores. Look at these faces — you can see the smiles and tears through the masks! pic.twitter.com/MIm7F5Hssr
— Brendan Keefe (@BrendanKeefe) April 8, 2020
„Дојдов рано во продавницата. Побрзав да земам се што ми треба. Се израдував кога видов дека има доволно намирници, брисачи за раце,тоалет, јајца, брашно… Откако на касата се ми беше искуцано, продавачката рече дека за се платил Тајлер Пери. Беше 7 часот наутро, уште го немав испиено првото кафе, па мислев дека сонувам“, раскажал еден од среќните купувачи.
„Добри луѓе има насекаде. Тајлер тоа го докажа низ годините“, „Доказ дека хуманоста уште е жива“, „Прекрасен гест“, коментирале луѓето на социјалните мрежи за потегот на Тајлер.
Инаку, 50-годишниот Пери во 2011-та година магазинот „Forbes“ го прогласи за најплатена личност во светот на забавата. Помеѓу мај 2010-та и мај 2011-та година тој заработи 130 милиони долари.