Поранешниот претседател на Кривичниот суд и судија во Одделот за организиран криминал, Владимир Панчевски, реагираше на судската одлука за куќен притвор на Артан Груби, откако вчера утрото тој дојде сам на граничниот премин „Блаце“ и беше приведен.

Панчевски вели дека бил трипати затворан по налог на тогашниот премиер Зоран Заев, но дека никогаш не побарал заштита, за разлика од Груби.

„Јас бев претседател на најголемиот Кривичен суд во државава, бев шеф на судскиот Оддел за организиран криминал, а како судија во тој оддел судев тешки криминалци, да не ги набројувам. Во Шутка ме ставаа и вадеа по налог на Зоран Заев трипати и ниту еднаш не побарав заштита или се повикав на мојата сигурност и безбедност! Македонија е држава со двојни стандарди. Ако не и негувателка, обезбедување и возило мајбах да му дадеме за проневерени милијарди на товар на граѓаните! В.Д обвинителката денес ја изгнаси својата обвинителска тога, после ова таа ли ќе биде Државен обвинител???, напиша Панчевски на Фејсбук.

Панчевски пред три дена најави дека ќе пишува книга за Специјалното јавно обвинителство (СЈО).

Панчевски формално нема да поднесе кривична – „институциите по допрен глас треба да се самоуапсат!“

Кривичниот суд синоќа го прифати предлогот на Обвинителството и на поранешниот вицепремиер Артан Груби, обвинет за милионски злоупотреби, кој повеќе од една година беше во бегство, му определи поблага мерка – куќен притвор.

Груби ја измести политичката сцена