Панчев: Македонија го постигна најголемиот успех, а Србија беше „шлагот на тортата“

дарко панчев-македонски фудбалери репрезентација
„Реков синоќа дека вчерашниот ден беше за уживање во екс-ју фудбалот“ Колаж: СП. / Фото: Слободен печат, Драган Митрески

Најдобрите македонски фудбалери за првпат ќе играат во баражот за пласман на Светско првенство после триумфот во Скопје над Исланд (3:1).

ВИДЕО: Фудбалерите продолжуваат да испишуваат историја, Македонија ќе игра во мундијалскиот бараж

Поранешниот македонски репрезентативец, легендата на Црвена звезда, Дарко Панчев ја коментираше победата на Србија над Португалија, но и влезот на македонската А репрезентација во доигрувањето за учество на Мундијалот во Катар 2022.

– Реков синоќа дека вчерашниот ден беше за уживање во екс-ју фудбалот. Сè започна со Хрватска, која имаше тежок натпревар, но успеа да оствари пласман на СП. Потоа, Македонија го постигна најголемиот успех кога се во прашање квалификациите и пласманот во бараж, а „шлагот на тортата“ беше пласманот на Србија – рече Панчев.

Хрватите во Сплит благодарение на автоголот на рускиот репрезентативец Кудрјашов го обезбеди местото на СП.

Македонија во Скопје со головите на Елмас и Алиоски триумфираше над Исланд, а Србите направија пресврт во Лисабон против Португалија (1:2) со погодоците на Тадиќ и Митровиќ.

ВИДЕО: Србија ќе игра на СП во Катар, Митровиќ ги шокираше Роналдо и Португалците

Милевски: Овие фудбалери имаат потенцијал за поголеми работи 

Ангеловски им честита на фудбалерите: Повторно ја направивте Македонија горда

Барди, Трајковски и Елмас беа нашите најдобри стрелци во мундијалските квалификации

Алиоски: Нашата сила е во заедништвото, сега сме каде што треба да бидеме

Видео на денот