Портокалите се вистинско богатство од витамини и минерали, идеални за зајакнување на имунолошкиот систем и зачувување на енергијата во текот на зимата. Сепак, најчесто ги лупиме со раце, па нашите прсти доаѓаат во директен контакт со овошјето. Иако оваа навика делува безопасно, всушност претставува ризик и за нас и за самото овошје.

Портокалите се богати со витамин Ц, кој придонесува за нормална функција на имунолошкиот систем и заштита на клетките од оксидативниот стрес, како и витамини А и Б (особено Б1 и Б2), важни за кожата, слузокожата и енергетскиот метаболизам. Сепак, кората на портокалот често е покриена со микроби, бактерии и нечистотија, кои кога се лупат рачно можат да се пренесат на пулпата – делот што потоа го јадеме.

Покрај оваа причина, постои и друга. Со нашите раце можеме да го контаминираме овошјето. Микробите се присутни, особено ако не ги измиеме темелно рацете пред јадење. Допирањето на пулпата од портокалот со рацете, а потоа ставањето во уста, може да биде штетно.

Накратко, лупењето на ова овошје со рацете без претходно миење може да стане вистинска порта за бактерии и вируси. Покрај тоа, рапавата површина на кората го олеснува залепувањето на нечистотијата и микроорганизмите, а кога кората ќе се распука, бактериите може да се пренесат и на делот што се јаде.

Центарот за контрола и превенција на болести (ЦДЦ) препорачува миење на рацете со сапун и вода пред, во текот и по лупењето портокал. Оттаму советуваат и миење на овошјето и зеленчукот под млаз вода за да се спречи каква било инфекција што се пренесува преку храната. Светската здравствена организација (СЗО), во своите „Пет клучеви за побезбедна храна“, исто така истакнува дека за портокалите најдобро е да се користи нож, со претходно миење на овошјето и рацете. Секако, прво уверете се дали ножот е чист.

Само на овој начин можете значително да го намалите ризикот од внесување бактерии и хемикалии, кои потоа би можеле да имаат негативни здравствени последици.

Значи, следниот пат кога ќе посакате да се освежите со ова вкусно овошје, следете ја оваа постапка:

– Портокалот прво измијте го под млаз вода и истријте го со чисти раце или со четка за овошје.
– Потоа, исушете го со чисти хартиени крпи за да ја отстраните поголемиот дел од површинската нечистотија и остатоци.
– Потоа, со нож исечете ја кората, избегнувајќи да ја допирате пулпата, и излупете ја на парчиња, со што ќе ја елиминирате белата кора, која може да биде горчлива.