Осум медали за младите таеквондисти на Бутел на турнирите во Тирана и Софија
Подмладокот на македонскиот таеквондо клуб Бутел изминатиот викенд настапи на два меѓународни турнири.
На Балканското првенство во Тирана, Албанија, предводени од тренерот Коки Георгиевски, медали освоија Дарко Георгиев кој се закити со бронза во јуниорска конкуренција (-63 кг.), како и Ива Урдаревиќ со трето место (јуниори, -54 кг.)
Пионерите предводени од тренерот Иван Крстевски освоија вкупно шест медали, по три сребрени и бронзени, на меѓународниот турнир „Хереа Опен“ во Софија, Бугарија:
– Ведрана Тунески -37кг сребрен медал
– Лука Ушевски -44кг сребрен медал
– Максим Пешевски -23кг сребрен медал
– Матеа Стојчевска -25кг бронзен медал
– Јован Спасовски -40кг бронзен медал
– Бојан Петров -21кг бронзен медал
Ова е само продолжување на врвните резултати на таеквондо надежите на Бутел. Потсетување дека во октомври годинава младинците на меѓународниот турнир во Ниш, Србија, се закитија со 14 медали.