Олимписките игри во 2032 година ќе се одржат во Австралија
Австралискиот град Бризбејн ќе биде домаќин на Олимписките игри во 2032 година, објави Меѓународниот олимписки комитет.
– Ова е многу горд ден за Австралија и сите нејзини жители. Им благодарам на членовите на ИОК на довербата. Игрите ќе бидат во вредни, благодарни и ентузијастички раце. Им гарантирам на сите спортисти од целиот свет дека тоа за нив ќе биде незаборавно искуство – изјави претседателот на Олимпискиот комитет на Австралија, Џон Коутс, кој потоа додаде:
BREAKING: Brisbane, Queensland has officially been named the host city for the 2032 Olympic and Paralympic Games. #Brisbane2032 pic.twitter.com/63yINm9WZf
— Annastacia Palaszczuk (@AnnastaciaMP) July 21, 2021
– Многу од тие спортисти сега се деца кои во наредните две недели ќе бидат пред ТВ екраните и ќе гледаат што ќе се случува во Токио. Климата во Квинсленд, познатите плажи и многу други атракции ќе бидат неодоливи за спортистите, семејствата, пријателите и за сите кои го сакаат спортот.
Главниот град на сојузната држава во Австралија, Квинсленд беше единствен кандидат за организатор и тоа ќе бидат трети Олимписки игри кои ќе се одржат на најмалиот континент. Досега во Австралија се одржаа Игрите во Мелбурн 1956 година и во Сиднеј 2000 година.
„Бризбејн е избран за домаќин на 35. Олимписки игри. Честитаме“, стои на официјалниот Твитер профил на ИОК.
Претходно, ЛОИ ќе се одржат во Париз 2024 година и во Лос Анџелес 2028 година.
BRISBANE 2032 ELECTED AS HOST OF THE GAMES OF THE XXXV OLYMPIAD!
CONGRATULATIONS! pic.twitter.com/h66C9pHxcG
— IOC MEDIA (@iocmedia) July 21, 2021