Олимпиецот Георгиевски на прием во АМС: Желбата е медал во Токио
По обезбедената олимписка норма за престојните ЛОИ во Токио, најдобриот македонски таеквондист, Дејан Георгиевски, денес беше на прием во Агенцијата за млади и спорт каде истакна дека очекува добри резултати и на најголемиот спортски настан.
Директорот на Агенцијата за млади и спорт Наумче Мојсовски истакна дека Дејан го обели образот на македонскиот спорт и покрај протоколите за работа и настапи во спортските сали успеа да дојде до посакуваната цел на секој спортист-настап на олимписки игри.
-Дејан покажа дека Македонија има спортисти за големи натпреварувања и секој негов чекор до Токио, како и целокупниот престој во Токио ќе биде подпомогнат од Агенцијата за млади и спорт. Ние како АМС ќе сториме се за Георгиевски и неговиот тим да имаат најдобри услови за подготовки и се надевам дека успесите нема да изостанат – истакна Мојсовски.
Георгиевски е убеден дека успесите нема да изостанат и дека ќе ја израдува нашата земја со освојување на медал.
-Мотивот на квалификациониот турнир беше огромен, што резултираше со победа над азербејџанецот, олимписки и светски првак во таеквондо, што ја зголемува мојата самодоверба за Токио, и желбата од таму да се вратиме со медал, кој може да биде и златен – вели Георгиевски.