Одбојкарите ја решија и Словенија, надежта за осминафинале останува – Слободен печат
ОстанатoСпорт

Одбојкарите ја решија и Словенија, надежта за осминафинале останува

Македонија ја забележа и втората победа на ЕП, овој пат совладан е домаќинот на групата Ц во четири сета.

Македонската одбојкарска репрезентација од натпревар во натпревар игра се подобро и по вчерашната историска победа над Белорусија, денеска е забележан нов триумф на Европското првенство. Пред налетот на одбојкарите падна домаќинот на група Ц, Словенија која е совладана со 3:1 во сетови и тоа со 26:24, 30:28, 19:25, 26:24. Втората победа по ред ги врати надежите за пласман во осминафиналето, но потребно е Турција да загуби о Белорусија во последниот натпревар во групата.

Натпреварот започна фантастично за избраниците на селекторот Матијашевиќ, со убедливо водство од 6:1, а одбојкарите беа фантастични до самиот финиш. При водство од 23:18 се случи неверојатен пад во играта кој го искристија Словенците да направат серија од 5:0 и да ја вратат максималната неизвесност. Кога беше најпотребно, капитенот Никола Ѓоргиев беше на висина на задачата и донесе водство од 1:0 во сетови.

Вториот сет беше копија на првиот, само со изменети улоги, Словенците го контролираат резултатот и во финишот влегоа со предност од 21:17. И тогаш како да се разбудија одбојкарите, направија серија од 7:1 за водство од 24:22 и две сет топки кои не ги искористија во тие моменти, но сетот го решија во своја корист со 30:28 благодарение на поенот на Љафтов.

Во третиот сет дојде до опуштање на „спартанците“ и ѝ дозволија на Словенија резултатски да се врати во игра откако го доби сетот со 19:25.

Четвртиот сет повторно донесе голема борба и резултатска неизвесност. Словенците повторно имаа предност до самиот финиш кога беа на поен од изранување во сетови бидејќи имаа водство од 24:21. Но, трилер завршниците на сетовите станаа заштитен знак за македонските одбојкари на ова ЕП и со серија од 5:0 го освоија сетот за конечен триумф од 3:1 во сетови.

 

 

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close