Мисиите на ОБСЕ и ОН во БиХ ги повикуваат надлежните органи во земјата брзо, темелно и во согласност со домашното законодавство и меѓународните обврски да го истражат инцидентот во Широки Бријег поврзан со скандирањето на слоганот на усташкиот режим „За дом спремни“, истакнувањето на симболи што го одразуваат тој слоган, како и фотографијата на осуден воен злосторник, објави Независне.

Во петок, 13 февруари, контроверзниот хрватски пејач Марко Перковиќ Томпсон одржа концерт во Широки Бријег, и ја пееше „Битката кај Чавоглава“ со усташкиот поздрав „За дом спремни!“, кој публиката го скандираше во дует со него.

Мисиите на ОБСЕ и ОН изјавија дека отвореното прикажување на симболи и величењето на идеологиите на омраза, насилство и масовни злосторства се спротивни на демократските вредности, човековите права и принципите на меѓусебно почитување, достоинство и емпатија кон жртвите на усташкиот режим.

„Ова носи ризик од нормализирање на екстремизмот, кој шири страв во заедницата и меѓу сите граѓани кои сакаат да живеат во безбедна и стабилна средина“, се вели во соопштението на ОБЕС во Босна и Херцеговина.

Мисиите изразија загриженост за овој настан во Широки Бријег и ги повикаа властите во Босна и Херцеговина да ги истражат сите слични инциденти и активности низ целата земја.

„Ја нагласуваме важноста на континуираните напори во образованието, превенцијата и ангажирањето на младите луѓе во борбата против екстремизмот и поттикнувањето култура на критичко размислување, историска свест заснована на факти и почитување на различноста“, се наведува во соопштението, пренесува Срна.

Настапот во салата „Пецара“ беше полн со иконографија, симболи на НДХ и алузии на воените деведесетти години од минатиот век.

Забранет е „За дом спремни“ во Арена Загреб: „Не е дозволена употреба на фашистички или усташки симболи и слогани“