Новак Ѓоковиќ избори место меѓу четворицата најдобри на Австралија опен, откако неговиот противник Лоренцо Музети беше принуден да го предаде мечот поради повреда. Сепак, патот кон финалето за српскиот ас води преку исклучително тежок предизвик, дуел со Јаник Синер.

Реалноста е дека Ѓоковиќ повеќе не доминира како во своите најсилни години, додека Синер се наоѓа во врвна форма и ретко кога влегол како поголем фаворит во пресметка со легендарниот Србин. Тоа го потврдуваат и обложувалниците, каде што шансите се драстично наклонети на страната на Италијанецот, коефициентот за победа на Ѓоковиќ се движи околу 10, наспроти само 1.08 за Синер.

Ваквите бројки предизвикаа реакции кај дел од навивачите, кои сметаат дека станува збор за потценување на еден од најдобрите тенисери во историјата. Сепак, општото мислење е дека Синер во полуфиналето влегува со многу поголеми шанси за победа.

Доколку успее да ја мине оваа пречка, Ѓоковиќ ќе добие можност да се бори за својата јубилејна, 25. грен-слем титула, мотив кој сигурно ќе биде дополнителен адут за српскиот тенисер.

Ѓоковиќ се извлече: Музети доминираше, па му подари полуфинале