Српскиот тенисер Новак Ѓоковиќ се пласираше во полуфиналето на Австралија опен, откако Италијанецот Лоренцо Музети утринава му го предаде четвртфиналниот меч поради повреда.

Дуелот траеше точно два часа, а до моментот на прекин резултатот по сетови беше 6:4, 6:3, 1:3 во корист на Музети.

На самиот почеток од мечот беа видени два брејка, а лошиот сервис на Ѓоковиќ Италијанецот го искористи и во петтиот гем, кога направи втор брејк во првиот сет. Потоа двајцата тенисери ги консолидираа своите сервиси, па Музети без поголеми проблеми поведе со 1:0 во сетови.

Речиси идентично сценарио се повтори и на стартот од вториот сет. Музети повторно направи два брејка на првите два сервис-гема на Ѓоковиќ, кој не пружи значителен отпор, па Италијанецот стигна до убедлива предност од 2:0 во сетови и беше на чекор до победа.

Сепак, во третиот сет следуваше шок. Музети добро го отвори сетот и поведе со 1:0, но потоа целосно застана поради повреда. Ѓоковиќ најпрво направи брејк, поведе со 3:1, по што Музети реши да не го продолжи мечот поради повреда на ногата.

Ѓоковиќ во полуфиналето на Австралија опен ќе игра против победникот од четвртфиналниот дуел меѓу Бен Шелтон (7. АТП) и Јаник Синер (2. АТП), кој е закажан за денеска во 9:00 часот.