Селекторот на шпанската фудбалска репрезентација, Луис де ла Фуенте, изјави дека неговиот тим и порано во финалниот натпревар можеше да ја обезбеди победата против Аргентина на Светското првенство 2026 и дека е горд на своите играчи за нивниот голем триумф.

– Мислам дека натпреварот требаше да биде решен многу порано. Одличните одбрани на Дубоа (аргентинскиот голман Емилијано Мартинез) нè спречија да победиме порано, но ова е финале на Светското првенство и дури и кога ќе завршите со 10 играчи, мора да издржите и да истраете – изјави Де ла Фуенте за веб-страницата на Меѓународната фудбалска федерација.

Шпанија славеше над бранителот на титулата Аргентина со 1:0 по продолженијата во финалето во Њу Џерси, САД, а единствениот гол го постигна Феран Торес во 106. минута. Шпанците ги обединија европската и светската титула.

– Особено сум горд на оваа генерација играчи кои пораснаа со оваа идеја, кои се подобрија и ни покажаа што значи да се биде група, семејство. Тие се играчи со исклучителен талент. За мене беше чест да ги следам на ова патување. Многу сум емотивен кога ќе се осврнам на сè низ што поминавме. Многу разговаравме со играчите. Сè освоивме и тоа е прекрасно. Оваа генерација играчи ја претставува гордоста на Шпанија. Заедно сме посилни – рече Де ла Фуенте.

Ова е втора титула светски шампион за Шпанија, по 2010 година, која воедно стана првата земја во историјата што е и светски шампион во машка и женска конкуренција.

ВИДЕО | Toрес го скрши аргентинскиот бункер, Шпанија по продолженија до втора светска титула