ФИФА пред почетокот на актуелното Светско првенство воведе неколку измени во правилата, а едно од нив дури сега, во завршницата на турнирот, почнува да привлекува поголемо внимание. Станува збор за одлуката според која секој фудбалер што настапил на Мундијалот има загарантиран тринеделен одмор по завршувањето на обврските со својата репрезентација.

Во пракса, тоа значи дека клубовите нема да можат веднаш да ги стават на располагање своите репрезентативци, бидејќи тие ќе мора задолжително да ја искористат паузата пред да им се приклучат на подготовките.

Ова правило би можело да создаде дополнителни главоболки за екипите чии фудбалери играа во завршницата на Светското првенство. Голем број од нив ќе го пропуштат почетокот на летните подготовки, што може да влијае врз нивната физичка подготвеност и адаптацијата пред стартот на новата сезона.

Шпанија вечерва има можност и да постави рекорд во светскиот фудбал

ФИФА ќе ги укине паузите за хидратација?