Македонската кошаркарска репрезентација до 20 години со победата од 91:81 против Босна и Херцеговина го заврши настапот на Европското првенство во Б-дивизијата на деветтото место, но овој триумф имаше и силна емотивна тежина.

Оваа победа беше посветена селекторот Никола Велев, кој и покрај големата лична трагедија,  смртта на својот татко остана со репрезентацијата и ја предводеше екипата до крајот на шампионатот.

„Првенството го завршуваме со позитивен скор од пет победи и два порази. Со денешната победа над Босна и Херцеговина го освоивме деветтото место, но искрено верувам дека тоа не е вистинската слика за оваа репрезентација. Во текот на целиот шампионат покажавме карактер, заедништво и квалитет, а со нашата игра докажавме дека заслужувавме многу повеќе.

Во име на целата екипа, сакам да кажам дека сите наши победи му ги посветуваме на нашиот селектор Никола Велев и на неговото семејство. Во овие најтешки моменти, енергијата, вербата и силата што тој секојдневно ни ги пренесуваше нам, денес му ги враќаме нему. Целиот тим е со него и со неговото семејство, со искрено сочувство и поддршка. Френки, оваа победа е за тебе “, порачаа од федерацијата.