ФИФА најави дека по завршувањето на Светското првенство ќе го преиспита правилото за задолжителните паузи за освежување, откако истото предизвика бројни негативни реакции кај навивачите.

Директорот за глобален развој на фудбалот, Арсен Венгер, потврди дека оваа мерка ќе биде анализирана по крајот на турнирот и посочи дека постои голема веројатност таа да биде укината. Триминутните паузи беа воведени на сите натпревари со образложение дека целта е да се заштитат здравјето и безбедноста на фудбалерите поради високите температури.

Сепак, Венгер призна дека правилото не наишло на позитивен прием кај љубителите на фудбалот, поради што ФИФА сериозно размислува да престане да го применува во иднина.