Англија го освои бронзениот медал на Светското првенство по драматичен натпревар со Франција, во кој публиката виде вистинска голеада со дури десет погодоци. „Трите лава“ славеа со 6:4 и го обезбедија третото место на турнирот.

Сепак, по завршувањето на дуелот, во центарот на вниманието се најде односот меѓу соиграчите од Реал Мадрид, Џуд Белингам и Килијан Мбапе.

Камерите не ги уловија двајцата фудбалери како се поздравуваат по последниот свиреж, што повторно ги активираше шпекулациите за можни несогласувања меѓу двете големи ѕвезди на мадридскиот клуб.

Според информациите на шпанскиот весник „Мундо Депортиво“, приказните за заладени односи меѓу Белингам и Мбапе стануваат сè почести. Французинот веднаш се упатил кон својата клупа, додека англискиот репрезентативец им честитал на противничките фудбалери, меѓу кои бил и неговиот нов соиграч од Реал, Ибрахима Конате, но не и Мбапе.

За можни тензии меѓу најголемите ѕвезди на Реал Мадрид се пишуваше и во текот на минатата сезона, која шпанскиот гигант ја заврши без освоен трофеј.

Madrid dressing room is cooked next season https://t.co/dBXuVNw2es pic.twitter.com/zmTjHezb3z

— Popiez (@Tenni_ade) July 19, 2026