Македонскиот ракометен шампион Вардар на 27 јули ќе ги започне подготовките за сезоната 2026/27, во која повторно ќе настапува во Лигата на шампионите.

Тренерот Иван Чупиќ ќе ја има првата прозивка во салата „Расадник“, каде што екипата ќе ги одработи почетните тренинзи. По воведниот дел од подготовките, „црвено-црните“ ќе заминат на висински подготовки во Маврово, каде што ќе престојуваат од 3 до 10 август.

По враќањето, Вардар ќе учествува на двата традиционални летни турнири. Најпрво ќе настапи на турнирот во Струга, кој ќе се одржи од 12 до 15 август, а потоа ќе биде дел и од турнирот во Охрид, закажан од 18 до 22 август.

Првиот официјален натпревар во новата сезона вардарци ќе го одиграат на 17 август, кога во рамките на регионалната лига ќе се соочат со српскиот вицешампион Војводина.

Официјално: Вардар се враќа во Лигата на шампионите