Во топлите летни денови, често бараме оброци и напитоци кои се лесни за подготовка, брзо го хидрираат и ладат организмот, а истовремено нè исполнуваат со енергија. Водејќи се од принципот дека правилната исхрана не е краткотрајна диета, туку начин на живот кој носи здравје, свежина и самодоверба, ви споделуваме идеален рецепт за овој период од годината.

Без разлика дали вашата цел е детоксикација, хидратација или поголем баланс во секојдневието, овој лесен пијалак е совршен чекор кон тие здрави навики.

Рецепт: Освежително смути со лубеница и нане

Оваа свежа и хранлива алтернатива на класичните летни пијалаци е идеална за почеток на денот или како инстант разладување по напорниот работен ден.

Состојки:

• 2 шолји лубеница (исчистена од семки и претходно убаво изладена)
• 1/2 шолја замрзнати малини или јагоди (за густина и антиоксиданси)
• 4–5 свежи ливчиња нане (за инстант свежина)
• 1 лажичка сок од лимета или лимон

Подготовка:

Сите состојки се ставаат во блендер и се миксираат околу 30 секунди додека не се добие целосно мазна, хомогена смеса.

Совет за сервирање:

За комплетен летен вкус и визуелно уживање, послужете го смутито веднаш во висока стаклена чаша со неколку коцки мраз и декорирајте со дополнително ливче свежо нане.

Хранлива вредност (по порција):

Благодарение на внимателно избраните состојки, овој хранлив напиток нуди одличен детокс профил, изобилство од витамини и исклучително малку калории:

Нутритивен профил

• Калории 95
• Протеини 1,5 грама
• Јагленохидрати 22 грама
• Масти 0,4 грама

Уживајте во вкусот на здравјето, хидратацијата и леснотијата ова лето.

Емилија Спасовска Мојсовска, нутриционистка: Растителните влакна се клучот за хормонален баланс

Нутриционистката Спасовска-Мојсовска ни сподели рецепт за брз и здрав нискокалоричен оброк