Норвешката престолонаследичка Мете-Марит жали поради своето пријателство со покојниот сексуален престапник Џефри Епстин, кој ја „изманипулирал и измамил“, рекла денеска, во рамки на обидите да се спречи еден од најголемите скандали што го потресоа кралското семејство.

Откако Министерството за правда на САД објави милиони документи поврзани со Епстин, беа откриени врските на покојниот финансиер со истакнати луѓе ширум светот, вклучувајќи го и кралското семејство и највисоките норвешки функционери, претприемачи и дипломати.

„Бев изманипулирана и измамена. Секако, би сакала никогаш да не го запознаев“, рекла Мете-Марит за Епстин во интервјуто за јавниот радиодифузен сервис НРК.

Објавените документи покажале дека Мете-Марит и Епстин зачестено комуницирале откако тој се изјаснил за виновен во 2008 година за поттикнување на малолетници на проституција.

Престолонаследничката, која им се извини на кралот Харалд и кралицата Соња во изјава на 6 февруари, не е обвинета за никакви кривични дела.

Иако претходните медиумски извештаи само алудираа на врските помеѓу Епстин и Мете-Марит, најновите документи открија пообемен однос, што предизвика ретки критики кон премиерот и барања повеќе детали.

Принцезата, сопруга на кралот и престолонаследник Хаакон, била во контакт со Епстин помеѓу 2011 и 2014 година и поминала четири дена во неговиот дом во Палм Бич, Флорида, во текот на приватно патување во 2013 година, покажуваат американските записи.

„Никогаш не сум видела ништо нелегално“, рекла денеска Мете-Марит за НРК.

Популарноста на кралското семејство опадна во последните месеци, според податоците од анкетата во која учествувале 1.009 испитаници во февруари.

Околу 60 проценти Норвежани ја поддржуваат монархијата, што е помалку од 70 проценти во јануари, според анкетата на Норстат, објавена од НРК на 21 февруари.

Синот на норвешката принцеза обвинет за силување плачел во судницата: „Не спијам со жени кои не се будни“

Здравјето на норвешката принцеза Мете-Марит се влошува, може да ѝ требаат нови бели дробови