Ник Рајнер, синот на убиениот режисер Роб Рајнер, доби нов адвокат откако неговиот претходен адвокат се повлече од случајот, пред судењето за убиство на родителите.

Ник повеќе нема да го брани Алан Џексон, кој се појави на првото рочиште по апсењето, па му е доделен адвокатката Кимберли Грин, пренесуваат странските медиуми.

Ник присуствуваше на судењето во Лос Анџелес каде што се изјасни за невин. По разговорот со судијата, адвокатот Џексон рече дека неговиот правен тим немал друг избор освен да се повлече од овој случај.

Судењето беше продолжено до 23 февруари оваа година. По рочиштето, адвокатот Џексон рече дека не може да каже зошто се повлекува од случајот, но рече дека Рајнер не е виновен за убиство.

Исто така, портпаролот на семејството Рајнер рече дека имаат најголема доверба во правниот процес.

За потсетување, обвинителот Натан Хохман изјави дека се очекува Ник да биде обвинет за две точки од обвинението за двојно убиство, како и за употреба на опасно оружје.

Хохман рече дека обвиненијата би можеле да резултираат со доживотна казна затвор. Исто така, Ник Рајнер повеќе не е под надзор за евентуално самоубиство во Поправниот центар „Тви Тауерс“ во Лос Анџелес. Тој моментално е во самица.

Синот на Роб Рајнер денеска е изведен пред суд: Можно е да се соочи со смртна казна