Продолжува „слободниот пад“ на цената на нафтата особено откако Ријад најави зголемување на производството следниот месец на 12,3 милиони барели дневно. Вчера и Обединети Арапски Емирати најавија дека планираат да го зголемат производството.

Американската нафта ВТИ бележи пад од 5,4 проценти и сега барел нафта се тргува за 31,47 долари, додека цената на северноамериканската нафта „брент” се намали за 5,7 отсто и се продава за 34,24 долари за барел.

Со намалувањето на цената на црното злато падна и вредноста на американската валута во однос на јапонскиот јен за 0,8 отсто и во однос на швајцарскиот франк за 0,3 проценти.

Еврото бележи раст од 0,2 проценти во однос на доларот, додека британската фунта се намали на 1,2807 долари, што е најниско ниво ова недела.

На берзите раст забележа цената на златото за 0,1 отсто и унца чини 1.636 долари, но е значително помалку од понеделникот кога унца злато се продаваше за над 1.700 долари.