Наполи ги одби бундеслигашите и 22,5 милиони фунти за Елмас
Македонскиот репрезентативец имал понуда да се пресели во Премиер лигата, поточно во Лидс каде што моментно настапува нашиот Езгјан Алиоски.
Поточно, Наполи, екипата за која игра Елиф Елмас, ја одби понудата од 22,5 милиони фунти испратена од „Иланд роуд“.
Експертот за фудбалски трансфери, Чиро Венерато за „Радио Гол“ изјави дека бројни клубови покажале интерес за нашиот фудбалски „Дијамант“, како на пример од Бундеслигата, односно Борусија Дортмунд, Борусија Менхенгладбах и Лајпциг.
А од претходно беше и објавено дека и еден од најпознатите португалски клубови ја следи ситуацијата со Елмас кој има договор со „наполитанците“ до 30 јуни 2025 година, со вредност од 18 милиони евра според „Трансфермаркт“.
Сепак Наполи сака да го задржи Елмас во своите редови, веруваат дека тој е клучен играч во составот на Џенаро Гатузо.