Како што информираат португалските медиуми, Бенфика ќе се обиде уште во зимскиот период да го ангажира македонскиот репрезентативец Елиф Елмас (21).

Нашиот фудбалски „Дијамант“ ги брани боите на Наполи со кој има договор до 30 јуни 2025 година и според „Трансфермаркт“ моментно вреди 18 милиони евра.

Според „TVI24“, еден од најпознатите клубови во Португалија предводен од тренерот Жезус во јануари би можел да испрати понуда до „наполитанците“ за Македонецот.

Eljif Elmas na rota do Benfica.
Segundo a @tvi24pt, o Benfica está interessado no médio de 21 anos.
O atleta tem contrato com o Napoli até Junho de 2025. pic.twitter.com/b4ful368Nq

— Diário de Transferências (@DTransferencias) December 7, 2020

Планот на Бенфика е прво да дојде како позајмица, но не се исклужува и можноста за целосна продажба.

Елмас сезонава во италијанската Серија А до сега запиша седум настапи и еден погодок во победата над Џенова.

Во најсилното португалско првенство Бенфика после девет кола е на втората позиција со 23 бодови, два помалку од водечкиот Спортинг на нашиот Стефан Ристовски.